Nicolaus Episcopus servus servorum Dei

ad perpetuam rei memoriam. /

Cum nulla fidelium conventio

sub aliquo religionis colore absque summi

(a) pontificis potestate fieri valeat:

ne conventus religiosarum Virginum, Viduarum, /
Bighinarum, Mantellatarum aut alique particulares ex hijs sub habitu et protectione ordinis beate
Marie Virginis de Monte Carmeli degentium

aut que in posterum /
offerentur absque apostolice auctoritatis

munimine vivere videantur:

harum tenore decernimus, ut
ordo prefatus ac eiusdem ordinjs Magister Generalis

et priores pro/vinciales circa prefatarum receptionem,

vite modum, admissionem et protectionem illis eiusdem et prorsus similibus privilegijs gaudeant quibus

ordines Predicatorum / et Heremitarum Santi Augustini gaudeant et utuntur.

Dummodo Virgines, Vidue, Bighine et Mantellate predicte continenter et honeste vivant ieiunentque, ac omnia / alia faciunt et observent

que virgines, vidue, bighine, et mantellate

ordinum predictorum continenter et honeste

viventes, secundum earum ordinationes et statuta, faciunt et observant. 

Nulli ergo omnino hominum liceat hanc paginam

nostre constitutionis infringere

vel ei ausu temerario contraire.

Si quis autem hoc at / temptare presumpserit

indignationem omnipotentis Dei

et beatorum Petri et Pauli Apostolorum
eius se noverit incursurum.

Datum Rome apud Sanctum Petrum,
Anno Incarnationis dominice Anno millesimo quadrigentesimo quinquagesimo secundo, Nonis
Octobris Pontificatus nostri anno sexto.

P. de Noxeto.

 Per saperne di più...